CIFP Plaiaundi LHII-k ikasleentzako patio jasangarria estreinatu du

Diseinu berriari esker patioa komunitatea egiteko balioko duen aisialdi eremua bilakatu nahi da

CIFP Plaiaundi LHII-ko ikasleek eremu berria dute ikastetxean. Patioa ibilgailuak aparkatzeko eremua izatetik aisialdirako gunea izatera pasa da, hain zuzen ere, jardunaldian zehar egin daitezkeen atsedenaldi uneak disfrutatzeko gunea.

Ikastetxearen zuzendaritzak diseinatutako berrantolaketaren helburua honakoa da: iritsiera eta irteera eremua, presazko eta kez beteriko eremua, aisialdi-gunea bihurtzea, eta era berean, gunea ikastetxeko ikasleen arteko harremanak sendotzeko eremua izatea. Horrenbestez, CIFP Plaiaundi LHII–k aurrerapausoa eman du jasangarritasunaren alde, natura, birziklatzea eta bizikidetza sustatu nahi dituen eremua sortuz.

Patio berriak dituen eremu ezberdinak egin ahal izateko, material birziklatu eta naturala erabili da, besteak beste, zuhaitz-enborrak, egurrezko taulak, eta gurpil zaharrekin zein obretako kontenedoreekin sortutako jardinerak. Elementu horiek guztiek eremuari goxotasuna eta armonIa ematen diote, eta gainera, argi erakusten dute ikastetxearen   konpromisoa ekonomia zirkularraren eta hondakinak gutxitzearen alde.

Elkartzeko puntua

Diseinua egiteko honako helburua kontuan eduki da: patioa igarobide bat izatetik leku bizia izatera pasatzea. Horretarako, zuhaitz-enborrak, egurrezko taulak eta jardinerak modu antolatuan jarri dira leku erosoa izateko, ikasleak gustura egon daitezen partekatzera esertzeko, harremanak sendotzeko, eta hezkuntza komunitate hurbilagoa eta kohesionatuagoa eraikitzeko, bertan egoera gonbidatuz, ingurunea parketatuz eta zainduz.

Hortaz, eremu berri honen sorrerarekin CIFP Plaiaundi LHII–k berretsi du hezkuntza berrikuntzzaren eta jasangarritasunaren alde egiten duen apustua, ikasleei eremu berriak eskainiaz eta komunitatea egiteko erabiltzeko animatuz.